नागरिक पेन्सन योजना सम्बन्धी संक्षिप्त जानकारी
• को को सहभागी हुन सक्ने ?
यस योजना अन्तर्गत आय आर्जन गर्ने, मजदुरी गर्ने, रोजगारी भएका, व्यापार व्यवसाय गर्ने, कृषि कर्म गर्ने, प्रचलित कानून बमोजिम स्थापना भएका संघ, संस्था एवंम प्रतिष्ठानमा कार्यरत श्रमिक/कर्मचारी, स्वरोजगारमा रहेका सर्वसाधारण र गैरआवाशीय तथा वैदेशिक रोजगारीमा रहेका नेपाली नागरिक सहभागी हुन सक्ने छन् ।
• कति रकम जम्मा गर्नुपर्छ ?
बचतकर्ताहरुले न्यूनतम मासिक ५ सय रुपैयाँदेखि अधिकतम आम्दानीको क्षमता अनुसार १० ले भाग जाने संख्यामा जम्मा गर्न सक्ने छन् ।
• बीचमा छोड्न पाइन्छ ?
कुनै कारणबस निरन्तरता दिन नसकिने अवस्था आएमा बीचमै छोड्न पाइने व्यवस्था गरिएको छ ।
• कहिले पाइन्छ पेन्सन ?
पेन्सन प्राप्त गर्न बचतकर्ताको उमेर ६० वर्ष पुरा भएको र कम्तीमा १५ वर्ष योगदान गरेको हुनुपर्नेछ।
•६० वर्ष पुग्नलाई १५ वर्ष बाँकी नहुनेले समेत १५ वर्षको रकम एकमुष्ट बाँकी वर्षको किस्तामा जम्मा गरेमा ६० वर्ष पूरा गरे पछि पेन्सन पाउन सक्नेछन्।
• कति पाइन्छ पेन्सन ?
सहभागीले गरेको बचत, त्यसको ब्याज र कोषको लगानीवाट प्राप्त प्रतिफल समेत जोडी हुन आउने कुल रकमलाई १७० ले भाग गर्दा हुन आउने रकम प्रत्येक महिना निजको जीवनकालभर पेन्सन पाउनेछन् ।
• पति वा पत्नीले जीवनभर पाउने, दुबै मरेपछि हकवालाले पाउनेछ।
• कसरी जम्मा गर्ने रकम ?
सहभागी बचतकर्ताले जम्मा गर्नु पर्ने रकम कोषले तोकेको बैंक खातामा भौचर मार्फत वा बिद्युतीय भुक्तानी मार्फत जम्मा गर्न सक्ने छन् ।
• ऋण पाइन्छ ?
बचतकर्तालाई निजको नाममा जम्मा रहेको रकममा बढीमा ८० (असी) प्रतिशतसम्म सापटी प्रदान गर्नेछ ।
• मृत्यू संस्कार खर्च १० हजार :
बचतकर्ताको मुत्यु भएमा निजको अन्तिम संस्कारको लागि निजको नजिकको आश्रित परिवार सदस्य वा हकवालालाई १० हजार रुपैयाँ एकमुष्ठ उपलब्ध गराइनेछ।
• अन्य सुविधा :
बचतकर्ताले कोषद्वारा तोकिएका प्राइभेट अस्पतालमा औषधी उपचार गर्दा लाग्ने खर्चमा छुट सुविधा प्रदान गर्न सकिने व्यवस्था पनि मिलाइनेछ।
नागरिक पेन्सन योजनामा सहभागि हुनको लागि :
• नागरिक पेन्सन योजनाको परिचयपत्र भर्नुहोला।
• ग्राहक पहिचान फारम (KYC) भर्नुहोला।
• परिचय खुल्ने कुनैपनि डकुमेन्ट अथवा नागरिकताको फोटोकपि कोषमा पेश गर्नुहोला।
• कम्तीमा मासिक रु ५००/- मा नघटने गरी मासिक चौमासिक अर्धवार्षिक वा वार्षिक रुपमा नागरिक लगानी कोषको NIC ASIA बैंकको “ना.ल.कोष. नागरिक पेन्सन योजना” ०५४४१५१०३५२१७०१२ खातामा जम्मा गरि भौचर कोषमा दाखिला गर्ने वा Connect IPS बाट जम्मा गर्ने।यसमा मासिक ५०० वा १० ले भाग जाने जति पनि रकम जम्मा गर्न सकिनेछ।
थप जानकारीको लागी सम्पर्क गर्नुहोला।
नागरिक लगानी कोष
नागरिक पेन्सन योजना शाखा
९७७-१-४७८१६७३,४७८५३१९,४७८५३२५,४७८४२९८,४७८५३२१
EXT No : १६१,१२०
Comments
Post a Comment