अछाम जिल्ला सदरमुकाममा खानेपानीको हाहाकार !

समयमा पानी नअाउदा अछामको सदरमुकाम मंगलसेन नगरपालीका र आसपासका क्षेत्रमा खानेपानीको समस्या बढेको छ । यतिबेला पानीका मुहान पनि सुक्दै गएकाले अछाम सदरमुकाम मा खानेपानी को समस्या बढेको हो ।
जिल्ला सदरमुकाम मंगलसेन नगरपालिकामा खानेपानी अभावमा होटेल ब्यावसायी र अन्य उपभोक्ताहरु चिन्तित भएका छन । मुख्य पानीका स्रोत सुक्दैं गएपछी मंगलसेन नगरपालिकाको वाडा नम्बर ५ मा पर्ने बजारको धारामा नियमित पानि भर्नेको  ठुलो घुइचो लाग्ने गरेको छ ।

जिल्ला सदरमुकाम मंगलसेनमा खानेपानीको समस्या हुदा आफुहरुले हैरानी वेहोर्नु परेको स्थानीय होटेलब्यावसायि  बताउनुहुन्छ  । सदरमुकाम मंगलसेनमा जिल्ला खानेपानी कार्यालयले उपभोक्ताहरुलाई खानेपानीको व्यावस्थापन गर्न नसकेकोले आफुहरुले हैरानी वेहोर्नु परेको गुनासो स्थानीय वासिहरुको रहेको छ ।
तिनहजार तिनसय १० खानेपानीका उपभोक्ता रहेको मंगलसेनमा खानेपानीको सहज आपुर्ति नहुदा स्थानियवासीले समस्या वेहोर्नु परेको छ ।